Shaffof ID

Maxfiylik siyosati

Oxirgi yangilanish: 2026-yil 6-sentabr

ShaffofQurilish milliy axborot tizimi (quyida — «biz») Shaffof ID tizimi va Shaffof ID Mobile ilovasi orqali qanday ma'lumot yig'ishini, uni nima uchun ishlatishini va foydalanuvchining qanday huquqlari borligini shu hujjat tushuntiradi.

Shaffof ID — markaz tizimlariga yagona kirish nuqtasi. U mustaqil xizmat emas: vazifasi foydalanuvchini tanish va uni tegishli tizimga kiritish.

Qanday ma'lumot yig'iladi

Ma'lumot	Qayerdan	Nima uchun
F.I.Sh, JSHSHIR, tug'ilgan sana	OneID yoki E-IMZO sertifikati	Shaxsni aniqlash
Tashkilot nomi, STIR, lavozim	OneID yoki yuridik shaxs sertifikati	Tashkilot nomidan kirishda
Telefon raqami	Foydalanuvchi kabinetda o'zi kiritadi	Mobil ilovaga kirish va tasdiqlash
E-pochta	Foydalanuvchi yoki administrator	Aloqa
IP manzil, brauzer va qurilma turi	So'rov paytida avtomatik	Xavfsizlik va kirishlar tarixi
Bildirishnoma manzili (push token)	Mobil ilova	Xavfsizlik xabarlari

Nima yig'ilmaydi

• Joylashuv (GPS)
• Telefon kitobi, xabarlar, fayllar va suratlar
• Reklama identifikatorlari — ilovada reklama umuman yo'q
• Parolingiz: mobil ilovaga kirish faqat telefon raqami va SMS kod bilan

Ma'lumot kimga beriladi

Markaz tizimiga kirganingizda o'sha tizimga faqat siz ruxsat bergan ma'lumot beriladi. Qaysi tizim nimaga ruxsat olganini kabinetda va ilovaning «Profil» bo'limida ko'rishingiz va istalgan paytda bekor qilishingiz mumkin.

Bulardan tashqari ma'lumot uchinchi shaxslarga berilmaydi va sotilmaydi. Ishlatiladigan xizmatlar:

• OneID (sso.egov.uz) — davlat identifikatori orqali kirish
• E-IMZO — elektron raqamli imzo sertifikatini tekshirish
• SMS shlyuzi — tasdiqlash kodini yuborish (faqat raqam va kod matni)
• Google Firebase Cloud Messaging — bildirishnoma yetkazish (matn va qurilma manzili)

Qancha saqlanadi

• Hisob ma'lumotlari — hisob faol bo'lgunicha
• Kirishlar tarixi (audit) — 90 kun, so'ng arxivga siqiladi
• SMS kodlari — 5 daqiqa, so'ng yaroqsiz
• QR so'rovlari — 2 daqiqa

Xavfsizlik

• Parollar, SMS kodlari va qurilma tokenlari bazada faqat xesh ko'rinishida
• Barcha so'rovlar HTTPS orqali
• Ilovada ixtiyoriy qulf: telefon barmoq izi yoki PIN kodi bilan
• Hisobga kirilganda telefonga xabar keladi
• Faol seanslarni istalgan paytda ilovadan yopish mumkin

Sizning huquqlaringiz

• Telefon raqamini istalgan paytda uzish — shundan keyin ilova hisobni ko'rmaydi
• Tizimlarga berilgan ruxsatni bekor qilish
• Faol seanslarni va ulangan telefonlarni yopish
• O'zingiz haqingizdagi ma'lumotni olish yoki o'chirishni so'rash — quyidagi manzil orqali

Hisobni o'chirish

Hisobingizni va u bilan bog'liq ma'lumotlarni o'chirishni so'rash uchun support@shaffofqurilish.uz manziliga yozing. Murojaat 30 kun ichida ko'rib chiqiladi.

Nima o'chiriladi va nima qoladi:

• O'chiriladi: profil ma'lumotlari, telefon raqami, ulangan qurilmalar, tizimlarga berilgan ruxsatlar, bildirishnoma manzillari.
• Qoladi: qonun talab qilgan muddat davomida — kirishlar jurnalidagi shaxssizlantirilgan yozuvlar (kim emas, qachon va qaysi tizim). Ular xavfsizlik tekshiruvi uchun zarur.

Ilovadan chiqish yoki telefon raqamini uzish uchun murojaat kerak emas — buni kabinetning «Telefon raqami» bo'limida yoki ilovaning «Profil» bo'limida o'zingiz qilasiz.

Bolalar

Tizim markaz xodimlari va tashkilotlar uchun mo'ljallangan; 13 yoshgacha bo'lgan bolalar undan foydalanmaydi va ular haqida ma'lumot atayin yig'ilmaydi.

O'zgarishlar

Siyosat o'zgarsa, shu sahifada yangi sana bilan e'lon qilinadi. Muhim o'zgarishlar haqida ilovada yoki e-pochta orqali xabar beriladi.

Aloqa

Savollar va murojaatlar: support@shaffofqurilish.uz